الشروط

الخدمة

طمّني أداة بتبعت رسائل متابعة لزباين المحل من رقم الواتساب تبع المحل، بعد ما المحل نفسه يضيف أرقامهم.

مسؤولية المحل

المحل مسؤول عن نص كل رسالة، وعن لمين بينبعت رابط التقييم، وعن إن الزبون اشترى منه فعلًا ووافق يتواصل معه. وهو مسؤول عن الالتزام بسياسات جوجل للتقييمات وسياسات واتساب والقوانين المحلية.

الربط مع واتساب

الربط بيصير كجهاز مرتبط بحساب المحل، ومش عن طريق واجهة واتساب الرسمية. واتساب ممكن يفصل الجهاز أو يقيّد الرقم بأي وقت. إحنا ما منضمن استمرار الربط، ومش مسؤولين عن أي حظر.

الاشتراك

شهري، وبتقدر توقف التجديد من اللوحة بأي وقت، والاشتراك بيضل لآخر الفترة المدفوعة.